Matteo Guidicelli denies blotter report that he punched Sarah Geronimo's bodyguard

SUPPORT THIS WEBSITE BY SIGNING UP HERE IT'S FREE!!!

"Wala akong sinuntok." Pinasinungalingan ni Matteo Guidicelli ang kumalat na blotter report na nagsasabing sinuntok niya diumano ang bodyguard ni Sarah Geronimo. Base ito sa ulat ng entertainment reporter na si Mario Dumaual sa TV Patrol, ang primetime news program ng ABS-CBN, nitong Biyernes, February 21. Ayon pa sa report, nagpasalamat daw si Matteo sa lahat ng well-wishers nila ni Sarah. Pero tumanggi ang aktor na magpaliwanag kung anuman ang naging mitsa ng pagpapa-blotter sa kanya ng bodyguard ni Sarah. Hindi rin nagdetalye si Matteo tungkol sa kasal nila ni Sarah. Ginanap ang civil wedding nina Sarah at Matteo sa Shangri-La at the Fort sa Bonifacio Global City, Taguig, noong Huwebes ng gabi, February 20. Ginanap ang reception sa isang restaurant sa parehong hotel. Biyernes ng hapon, February 21, iniulat ng PEP.ph (Philippine Entertainment Portal) na nabahiran ng kontrobersiya ang masayang pag-iisang dibdib nina Sarah at Matteo. Diumano, nagkaroon ng engkuwentro sa pagitan ni Matteo at ng bodyguard ni Sarah na kinilalang si Jerry Cortes Tamara. THE BLOTTER REPORT
Nakakuha ang PEP.ph ng kopya ng blotter report na isinumite ni Tamara sa Taguig police station bandang 3:37 a.m. ng Biyernes, February 21. Sabi rito, sa gitna ng pagdiriwang ng pribadong kasalan nina Sarah at Matteo ay hindi inaasahang dumating ang ina ni Sarah na si Divine Geronimo, o kilala sa showbiz bilang Mommy Divine. Lumalabas na hindi imbitado si Mommy Divine sa okasyon, at nais daw sana nitong sandaling makausap ang anak. Hindi malinaw kung nagkaharap ba sina Sarah at Mommy Divine. Pero ayon sa blotter, kinumpronta ni Matteo si Tamara at sinapok ito sa bandang leeg. Pinaghinalaan diumano ng aktor ang bodyguard na ito ang nagsabi kay Mommy Divine tungkol sa lihim na pag-iisang dibdib nila ni Sarah. Hindi naman pormal na nagsampa ng reklamo si Tamara laban kay Matteo. #SarahMatteoWedding
Read more at pep.ph